andhera din ke ujale nigal gaya kaise
añdherā din ke ujāle nigal gayā kaise
charāġh shaam se pahle hī jal gayā kaise
abhī to raat kā bas ik pahar hī biitā hai
abhī se sub.h kā sūraj nikal gayā kaise
jo nabz nabz meñ sayyāl ban ke bahtā hai
vo harf harf nazar se nikal gayā kaise
vo sabz peḌ jo sūkhe meñ bhī nahīñ sūkhā
magar vo aaj hī shabnam se jal gayā kaise
bulandiyoñ ko fazāoñ kī nāpne vaalā
qadam uThāne se pahle phisal gayā kaise
vo sanglāḳh chaTānoñ kā āhanī paikar
hamāre mom se lahje meñ Dhal gayā kaise
har ek lamha qayāmat hai aaj ai 'sābir'
savāb apnā 'azāboñ meñ Dhal gayā kaise
andhera din ke ujale nigal gaya kaise
charagh sham se pahle hi jal gaya kaise
abhi to raat ka bas ek pahar hi bita hai
abhi se subh ka suraj nikal gaya kaise
jo nabz nabz mein sayyal ban ke bahta hai
wo harf harf nazar se nikal gaya kaise
wo sabz peD jo sukhe mein bhi nahin sukha
magar wo aaj hi shabnam se jal gaya kaise
bulandiyon ko fazaon ki napne wala
qadam uThane se pahle phisal gaya kaise
wo sanglaKH chaTanon ka aahani paikar
hamare mom se lahje mein Dhal gaya kaise
har ek lamha qayamat hai aaj ai 'sabir'
sawab apna 'azabon mein Dhal gaya kaise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.