andheri raat ko din ke asar mein rakkha hai
añdherī raat ko din ke asar meñ rakkhā hai
charāġh ham ne tirī rahguzar meñ rakkhā hai
ye hausla jo abhī bāl-o-par meñ rakkhā hai
tumhārī yaad kā jugnū safar meñ rakkhā hai
makāñ meñ sone ke shīshe ke log hoñ jaise
kisī kā nuur kisī kī nazar meñ rakkhā hai
ye chāhtī huuñ inhī dā.eroñ meñ jaañ de duuñ
kuchh itnā soz hī raqs-e-bhañvar meñ rakkhā hai
palak jhapakte hī tahlīl ho na jaa.e kahīñ
abhī to ḳhvāb sā manzar nazar meñ rakkhā hai
mujhe to dhuup ke mausam qubūl the lekin
ye saayā kis ne mirī dopahar meñ rakkhā hai
andheri raat ko din ke asar mein rakkha hai
charagh hum ne teri rahguzar mein rakkha hai
ye hausla jo abhi baal-o-par mein rakkha hai
tumhaari yaad ka jugnu safar mein rakkha hai
makan mein sone ke shishe ke log hon jaise
kisi ka nur kisi ki nazar mein rakkha hai
ye chahti hun inhi daeron mein jaan de dun
kuchh itna soz hi raqs-e-bhanwar mein rakkha hai
palak jhapakte hi tahlil ho na jae kahin
abhi to KHwab sa manzar nazar mein rakkha hai
mujhe to dhup ke mausam qubul the lekin
ye saya kis ne meri dopahar mein rakkha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
