andheri shab mein ujalon ko aam hum karte

añdherī shab meñ ujāloñ ko aam ham karte

agar charāġh jalāne kā kaam ham karte

hamāre zauq-e-safar ko na ye gavārā huā

ki darmiyān-e-masāfat qiyām ham karte

ka.ī gunāh jo the un ke naam se mansūb

vo chāhte the unheñ apne naam ham karte

na milte roz agar to kabhī kabhī hī sahī

paḌosiyoñ se duā-o-salām ham karte

maza thā jis meñ vo nekī janāb-e-shaiḳh ne kī

jo be-maza thā vo kyā nek kaam ham karte

jo pyāsā hotā koī ahl-e-karbalā kī tarah

to us kī pyaas ko baḌh kar salām ham karte

andheri shab mein ujalon ko aam hum karte

agar charagh jalane ka kaam hum karte

hamare zauq-e-safar ko na ye gawara hua

ki darmiyan-e-masafat qiyam hum karte

kai gunah jo the un ke nam se mansub

wo chahte the unhen apne nam hum karte

na milte roz agar to kabhi kabhi hi sahi

paDosiyon se dua-o-salam hum karte

maza tha jis mein wo neki janab-e-shaiKH ne ki

jo be-maza tha wo kya nek kaam hum karte

jo pyasa hota koi ahl-e-karbala ki tarah

to us ki pyas ko baDh kar salam hum karte