anis-e-jaan hain abhi tak nishaniyan uski

anīs-e-jāñ haiñ abhī tak nishāniyāñ us kī

bhulā.e bhuul na paa.e kahāniyāñ us kī

har ek lahje meñ shāmil hai zā.iqa us kā

sadā sadā meñ haiñ gauhar-fishāniyāñ us kī

kisī ko maar gayā is kā tund-o-tez mizāj

hameñ to maar ga.iiñ qadr-dāniyāñ us kī

zarā sī baat pe us kā simaT simaT jaanā

vo baat baat pe nazrāñ jhukāniyāñ us kī

kiye haiñ jab bhī taqāze na.e na.e us se

sunī haiñ phir vahī bātāñ purāniyāñ us kī

kisī kī baat pe us kā mahak mahak uThnā

vo mere zikr pe kuchh bad-gumāniyāñ us kī

nazar meñ husn kisī kā 'hasan' samātā nahīñ

ki ham ne dekhī haiñ uThtī javāniyāñ us kī

anis-e-jaan hain abhi tak nishaniyan us ki

bhulae bhul na pae kahaniyan us ki

har ek lahje mein shamil hai zaiqa us ka

sada sada mein hain gauhar-fishaniyan us ki

kisi ko mar gaya is ka tund-o-tez mizaj

hamein to mar gain qadr-daniyan us ki

zara si baat pe us ka simaT simaT jaana

wo baat baat pe nazran jhukaniyan us ki

kiye hain jab bhi taqaze nae nae us se

suni hain phir wahi baatan puraniyan us ki

kisi ki baat pe us ka mahak mahak uThna

wo mere zikr pe kuchh bad-gumaniyan us ki

nazar mein husn kisi ka 'hasan' samata nahin

ki hum ne dekhi hain uThti jawaniyan us ki