anjam hi ko uske na samjha na tu na main

anjām hī ko us ke na samjhā na tū na maiñ

varna ye ḳhvāhishāt baḌhātā na tū na maiñ

hosh-o-ḳhirad ko kaam meñ laayā na tū na maiñ

is vāste kamāl ko pahuñchā na tū na maiñ

samjhauta kar leñ baiTh ke aa ai mire zamīr

samjhauta maslahat se karegā na tū na maiñ

hālāt-e-hāzira kī nazar hai bahut amiiq

hālāt-e-hāzira se bachegā na tū na maiñ

zillat sivā.e kuchh na milegā jo hotā ilm

apnoñ ko apnā haal sunātā na tū na maiñ

shāyad isī liye ki nahīñ kiiñ ḳhushāmadeñ

manzil ko apnī koī bhī pahuñchā na tū na maiñ

ik shahr-e-dard-mañd jo hotā hamārā shahr

itnā niDhāl dard se hotā na tū na maiñ

anjam hi ko us ke na samjha na tu na main

warna ye KHwahishat baDhata na tu na main

hosh-o-KHirad ko kaam mein laya na tu na main

is waste kamal ko pahuncha na tu na main

samjhauta kar len baiTh ke aa ai mere zamir

samjhauta maslahat se karega na tu na main

haalat-e-hazira ki nazar hai bahut amiq

haalat-e-hazira se bachega na tu na main

zillat siwae kuchh na milega jo hota ilm

apnon ko apna haal sunata na tu na main

shayad isi liye ki nahin kin KHushamaden

manzil ko apni koi bhi pahuncha na tu na main

ek shahr-e-dard-mand jo hota hamara shahr

itna niDhaal dard se hota na tu na main