anjam se ghafil to kabhi hum bhi nahin the

anjām se ġhāfil to kabhī ham bhī nahīñ the

auroñ ke mumāsil to kabhī ham bhī nahīñ the

gar da.avā-e-ahbāb hai haq-goī-o-insāf

phir zāviya-bātil to kabhī ham bhī nahīñ the

ye aur ki ilzām-e-tabāhī hai mire naam

is shahr ke qātil to kabhī ham bhī nahīñ the

mamnūn-e-atā shān-e-karīmī na hoñ kyūñkar

yuuñ sharf ke qābil to kabhī ham bhī nahīñ the

andāz-e-raqībāñ nahīñ pur-soz junūñ-sāz

az ḳhū-e-anādil to kabhī ham bhī nahīñ the

kyā baat hai kyoñ chāñd pe garhan sā lagā hai

is biich meñ haa.il to kabhī ham bhī nahīñ the

'sāqib' ne diyā na.ara-e-jamhūr magar ab

pāband-e-salāsil to kabhī ham bhī nahīñ the

anjam se ghafil to kabhi hum bhi nahin the

auron ke mumasil to kabhi hum bhi nahin the

gar dawa-e-ahbab hai haq-goi-o-insaf

phir zawiya-baatil to kabhi hum bhi nahin the

ye aur ki ilzam-e-tabahi hai mere nam

is shahr ke qatil to kabhi hum bhi nahin the

mamnun-e-ata shan-e-karimi na hon kyunkar

yun sharf ke qabil to kabhi hum bhi nahin the

andaz-e-raqiban nahin pur-soz junun-saz

az KHu-e-anadil to kabhi hum bhi nahin the

kya baat hai kyon chand pe garhan sa laga hai

is bich mein hail to kabhi hum bhi nahin the

'saqib' ne diya nara-e-jamhur magar ab

paband-e-salasil to kabhi hum bhi nahin the