anjaane ek lafz zaban se nikal gaya

anjāne ek lafz zabāñ se nikal gayā

ab kyā kareñ ki tiir kamāñ se nikal gayā

us kā alag vajūd hai us kā alag madār

taara jo qa.ar-e-kāhkashāñ se nikal gayā

jab tum nahīñ rahe mire ḳhvāb-o-ḳhayāl meñ

maiñ bhī tumhāre vahm-o-gumāñ se nikal gayā

kyoñ daf.atan zamān-o-makāñ sab bikhar ga.e

ye kaun aaj kaun-o-makāñ se nikal gayā

ai dām-o-dāna ab to tumheñ aa gayā qarār

ab maiñ tumhāre bāġh-e-jināñ se nikal gayā

thā zaḳhm us pe aap vo marham lagā ga.e

aur dard-e-rāh āh-o-fuġhāñ se nikal gayā

miTTī jo thī ki aab ko chhūte hī gal ga.ī

jazba jo thā ki āb-e-ravāñ se nikal gayā

anjaane ek lafz zaban se nikal gaya

ab kya karen ki tir kaman se nikal gaya

us ka alag wajud hai us ka alag madar

tara jo qar-e-kahkashan se nikal gaya

jab tum nahin rahe mere KHwab-o-KHayal mein

main bhi tumhaare wahm-o-guman se nikal gaya

kyon dafatan zaman-o-makan sab bikhar gae

ye kaun aaj kaun-o-makan se nikal gaya

ai dam-o-dana ab to tumhein aa gaya qarar

ab main tumhaare bagh-e-jinan se nikal gaya

tha zaKHm us pe aap wo marham laga gae

aur dard-e-rah aah-o-fughan se nikal gaya

miTTi jo thi ki aab ko chhute hi gal gai

jazba jo tha ki aab-e-rawan se nikal gaya