anjum pe jo guzar gai us ka bhala hisab kya

'anjum' pe jo guzar ga.ī us kā bhalā hisāb kyā

pūchhe koī savāl kyā lā.eñge ham javāb kyā

ḳhūn-e-dil-o-jigar se hai husn-e-ḳhayāl husn-e-fan

is ke baġhair she'r kyā majmūa kyā kitāb kyā

terā hī naam le liyā vaqt-e-ishā.at-e-kalām

is ke 'alāva aur ham DhūñDte intisāb kyā

terī hī be-ruḳhī se to TuuTā hai dil abhī abhī

ab iltifāt-e-be-mahal ho sake kāmyāb kyā

ham to chaman chaman ga.e dil na shagufta ho sakā

nasrīn-o-nastaran hai kyā laala hai kyā gulāb kyā

tum ko bhī ranj isī se hai ham bhī kuchh is se ḳhush nahīñ

aur ḳharāb is se bhī hogā dil-e-ḳharāb kyā

'anjum' ne aañkh khol ke dard-o-alam jo dekhe haiñ

auroñ ne ḳhvāb meñ agar dekhe to aise ḳhvāb kyā

'anjum' pe jo guzar gai us ka bhala hisab kya

puchhe koi sawal kya laenge hum jawab kya

KHun-e-dil-o-jigar se hai husn-e-KHayal husn-e-fan

is ke baghair she'r kya majmua kya kitab kya

tera hi nam le liya waqt-e-ishaat-e-kalam

is ke 'alawa aur hum DhunDte intisab kya

teri hi be-ruKHi se to TuTa hai dil abhi abhi

ab iltifat-e-be-mahal ho sake kaamyab kya

hum to chaman chaman gae dil na shagufta ho saka

nasrin-o-nastaran hai kya lala hai kya gulab kya

tum ko bhi ranj isi se hai hum bhi kuchh is se KHush nahin

aur KHarab is se bhi hoga dil-e-KHarab kya

'anjum' ne aankh khol ke dard-o-alam jo dekhe hain

auron ne KHwab mein agar dekhe to aise KHwab kya