apna hi aks nazar aae jise bhi dekhun

apnā hī aks nazar aa.e jise bhī dekhūñ

ḳhud se fursat nahīñ miltī ki tujhe bhī dekhūñ

kitnī hasrat hai ki taskīn-e-nazar kī ḳhātir

rah ke maiñ apne havāsoñ meñ use bhī dekhūñ

vaqt ke saath asālīb-e-suḳhan badle haiñ

kyoñ na mauzū-e-suḳhan aur na.e bhī dekhūñ

apnī hī zaat meñ gum ho ke na rah jā.ūñ kahīñ

zindagī kā jo taqāzā hai use bhī dekhūñ

saath khele hue bachpan ke bahut haiñ lekin

ajnabī sab nazar aate haiñ jise bhī dekhūñ

aabrū kuchh to mirī dīda-varī kī rah jaa.e

tujh ko jab chāhūñ jahāñ chāhūñ chhupe bhī dekhūñ

kis kī taqdīr meñ hai dār-o-rasan kā mansab

ḳhush-nasīb aisā koī hai to use bhī dekhūñ

aañkh raushan hai agar dil nahīñ raushan to 'asar'

kis tarah ālam-e-imkāñ se pare bhī dekhūñ

apna hi aks nazar aae jise bhi dekhun

KHud se fursat nahin milti ki tujhe bhi dekhun

kitni hasrat hai ki taskin-e-nazar ki KHatir

rah ke main apne hawason mein use bhi dekhun

waqt ke sath asalib-e-suKHan badle hain

kyon na mauzu-e-suKHan aur nae bhi dekhun

apni hi zat mein gum ho ke na rah jaun kahin

zindagi ka jo taqaza hai use bhi dekhun

sath khele hue bachpan ke bahut hain lekin

ajnabi sab nazar aate hain jise bhi dekhun

aabru kuchh to meri dida-wari ki rah jae

tujh ko jab chahun jahan chahun chhupe bhi dekhun

kis ki taqdir mein hai dar-o-rasan ka mansab

KHush-nasib aisa koi hai to use bhi dekhun

aankh raushan hai agar dil nahin raushan to 'asar'

kis tarah aalam-e-imkan se pare bhi dekhun