apne chehre ki ziya de ke ujalo mujhko

apne chehre kī ziyā de ke ujālo mujh ko

pur-sukūñ jiitā huuñ uljhan meñ hī Daalo mujh ko

niiñd utrī nahīñ āñkhoñ meñ baḌī muddat se

reshmī zulf ke saa.e meñ sulā lo mujh ko

DhūñD lo pahle ḳhatāoñ kā mirī koī subūt

be-sabab yuuñ to na mahfil se nikālo mujh ko

nafrateñ mere ta.āqub meñ chalī aatī haiñ

ain mumkin hai bikhar jā.ūñ sa.mbhālo mujh ko

maiñ ne sar baar liye vo jo mire the hī nahīñ

qurb itnā sā karo mujh se churā lo mujh ko

haath hai dost koī kaasa gadā.ī kā nahīñ

thaam lo baḌh ke ise aise na Taalo mujh ko

dāstāñ koī kathā hai na kahānī koī

kuchh ugalne kā nahīñ jaise khañgālo mujh ko

aaj barsāt hai bādal hai fazā.eñ mahkī

giit huuñ pyaar kā hoñToñ pe sajā lo mujh ko

jis kī 'hasrat' thī tumheñ maiñ vo tumhārī manzil

gar huuñ mehnat kā sila apnā banā lo mujh ko

apne chehre ki ziya de ke ujalo mujh ko

pur-sukun jita hun uljhan mein hi Dalo mujh ko

nind utri nahin aankhon mein baDi muddat se

reshmi zulf ke sae mein sula lo mujh ko

DhunD lo pahle KHataon ka meri koi subut

be-sabab yun to na mahfil se nikalo mujh ko

nafraten mere taaqub mein chali aati hain

ain mumkin hai bikhar jaun sambhaalo mujh ko

main ne sar bar liye wo jo mere the hi nahin

qurb itna sa karo mujh se chura lo mujh ko

hath hai dost koi kasa gadai ka nahin

tham lo baDh ke ise aise na Talo mujh ko

dastan koi katha hai na kahani koi

kuchh ugalne ka nahin jaise khangalo mujh ko

aaj barsat hai baadal hai fazaen mahki

git hun pyar ka honTon pe saja lo mujh ko

jis ki 'hasrat' thi tumhein main wo tumhaari manzil

gar hun mehnat ka sila apna bana lo mujh ko