apne chehre par bhi chup ki rakh mal jaenge hum

apne chehre par bhī chup kī raakh mal jā.eñge ham

ab tirī mānind sochā hai badal jā.eñge ham

aag jo ham ne jalā.ī hai tahaffuz ke liye

us ke sho.aloñ kī lapaT meñ ghar ke jal jā.eñge ham

ḳhatm hai ahd-e-zamistāñ dhuup meñ hiddat sī hai

ek anjāne safar par ab nikal jā.eñge ham

zindagī apnī asāsī yā qayāsī jo bhī ho

ḳhvāb ban kar aa.e mānind-e-ġhazal jā.eñge ham

mustaqil ik ruup kab tak is tarah dhāre phireñ

vaqt ke sayyāl paimāne meñ Dhal jā.eñge ham

tū agar be-mantiqī par dil kī hañstā hai to kyā

dil jidhar le jaa.e qassam-e-azal jā.eñge ham

chāñdnī meñ saare dukh tahlīl karne ke liye

ghar hai apnā aaj yā 'shāhīn' kal jā.eñge ham

apne chehre par bhi chup ki rakh mal jaenge hum

ab teri manind socha hai badal jaenge hum

aag jo hum ne jalai hai tahaffuz ke liye

us ke shoalon ki lapaT mein ghar ke jal jaenge hum

KHatm hai ahd-e-zamistan dhup mein hiddat si hai

ek anjaane safar par ab nikal jaenge hum

zindagi apni asasi ya qayasi jo bhi ho

KHwab ban kar aae manind-e-ghazal jaenge hum

mustaqil ek rup kab tak is tarah dhaare phiren

waqt ke sayyal paimane mein Dhal jaenge hum

tu agar be-mantiqi par dil ki hansta hai to kya

dil jidhar le jae qassam-e-azal jaenge hum

chandni mein sare dukh tahlil karne ke liye

ghar hai apna aaj ya 'shahin' kal jaenge hum