apne dushman ko bhi jo shaKHs dua deta hai

apne dushman ko bhī jo shaḳhs du'ā detā hai

tū use us kā namak khā ke daġhā detā hai

saat tāloñ meñ bhī pahchān nahīñ chhuptī hai

terā lahja tire shajre kā pata detā hai

ye rivāyat bhī rivāyat hī huī hai sābit

'ishq mā'shūq kā har 'aib chhupā detā hai

kab kahāñ kaun sā kirdār adā karnā hai

vaqt hī vaqt pe ye khel sikhā detā hai

kabhī ḳhāmoshī ko ḳhāmosh karā kar dikhlā.e

shor-e-dariyā mirī āvāz dabā detā hai

yuuñ to paise kī koī zaat nahīñ hai lekin

ek rote hue bachche ko hañsā detā hai

aisā kuchh log bhī karte haiñ ka.ī baar 'sa'ūd'

jaise tezāb daraḳhtoñ ko sukhā detā hai

apne dushman ko bhi jo shaKHs du'a deta hai

tu use us ka namak kha ke dagha deta hai

sat talon mein bhi pahchan nahin chhupti hai

tera lahja tere shajre ka pata deta hai

ye riwayat bhi riwayat hi hui hai sabit

'ishq ma'shuq ka har 'aib chhupa deta hai

kab kahan kaun sa kirdar ada karna hai

waqt hi waqt pe ye khel sikha deta hai

kabhi KHamoshi ko KHamosh kara kar dikhlae

shor-e-dariya meri aawaz daba deta hai

yun to paise ki koi zat nahin hai lekin

ek rote hue bachche ko hansa deta hai

aisa kuchh log bhi karte hain kai bar 'sa'ud'

jaise tezab daraKHton ko sukha deta hai