apne gham-KHane ka qissa apne virane ki baat

apne ġham-ḳhāne kā qissa apne vīrāne kī baat

aap se ham kyoñ kaheñ apne sanam-ḳhāne kī baat

raaz kyā hai mai-kashī meñ kyā hai paimāne kī baat

tujh ko kyā ma.alūm zāhid kyā hai maiḳhāne kī baat

ab bahut hī chuur haiñ ham bād-e-ġham se ai nadīm

kuchh hoñ maiḳhāne kī bāteñ kuchh ho paimāne kī baat

ab tumhārī ḳhāmushī se ghuT rahā hai dam mirā

kuchh karo phir kuchh karo tum dil ke taḌpāne kī baat

aaoge tum yā na aaoge mujhe ma.alūm hai

kam yahī kyā hai jo tum karte ho bahlāne kī baat

maiñ ne chāhā thā tumheñ tum ne bhī chāhā thā mujhe

ye kahānī hai purānī ye hai afsāne kī baat

yā ilāhī ḳhair ho ab dekhiye hotā hai kyā

sun rahe haiñ ġhaur se vo aaj dīvāne kī baat

maiñ ne jab kholī zabāñ to hogī vo hī baat talḳh

aap to karte haiñ jaise phuul barsāne kī baat

kis ko aatā hai ḳhushī meñ ek bekas kā ḳhayāl

kaun ai 'tishna' kare gulshan meñ vīrāne kī baat

apne gham-KHane ka qissa apne virane ki baat

aap se hum kyon kahen apne sanam-KHane ki baat

raaz kya hai mai-kashi mein kya hai paimane ki baat

tujh ko kya malum zahid kya hai maiKHane ki baat

ab bahut hi chur hain hum baad-e-gham se ai nadim

kuchh hon maiKHane ki baaten kuchh ho paimane ki baat

ab tumhaari KHamushi se ghuT raha hai dam mera

kuchh karo phir kuchh karo tum dil ke taDpane ki baat

aaoge tum ya na aaoge mujhe malum hai

kam yahi kya hai jo tum karte ho bahlane ki baat

main ne chaha tha tumhein tum ne bhi chaha tha mujhe

ye kahani hai purani ye hai afsane ki baat

ya ilahi KHair ho ab dekhiye hota hai kya

sun rahe hain ghaur se wo aaj diwane ki baat

main ne jab kholi zaban to hogi wo hi baat talKH

aap to karte hain jaise phul barsane ki baat

kis ko aata hai KHushi mein ek bekas ka KHayal

kaun ai 'tishna' kare gulshan mein virane ki baat