apne girne ki KHabar tak nahin pai maine

apne girne kī ḳhabar tak nahīñ paa.ī maiñ ne

āḳhirī dauḌ meñ vo jaan lagā.ī maiñ ne

saañs ko saañs hī marne nahīñ detī hai yahāñ

koshisheñ kar ke bahut dekh liiñ bhaa.ī maiñ ne

vaqt hī vo hai ki mujrim mujhe samjhā jaa.e

kuchh nahīñ hogā agar dī bhī safā.ī maiñ ne

terī sub.hoñ ko tar-o-tāzgī dene ke liye

raat kī raat in āñkhoñ se bahā.ī maiñ ne

sard rātoñ kā taqāzā thā badan jal jaa.e

phir vo ik aag jo siine se lagā.ī maiñ ne

tū mujhe ghūrtī āñkhoñ se take jā rahā hai

jhuuT bolā hai koī baat banā.ī maiñ ne

apne girne ki KHabar tak nahin pai main ne

aaKHiri dauD mein wo jaan lagai main ne

sans ko sans hi marne nahin deti hai yahan

koshishen kar ke bahut dekh lin bhai main ne

waqt hi wo hai ki mujrim mujhe samjha jae

kuchh nahin hoga agar di bhi safai main ne

teri subhon ko tar-o-tazgi dene ke liye

raat ki raat in aankhon se bahai main ne

sard raaton ka taqaza tha badan jal jae

phir wo ek aag jo sine se lagai main ne

tu mujhe ghurti aankhon se take ja raha hai

jhuT bola hai koi baat banai main ne