apne hathon mein mohabbat se mera hat liye

apne hāthoñ meñ mohabbat se mirā haat liye

chāñdnī aa.ī magar hijr kī sauġhāt liye

dil ke jalte hue zaḳhmoñ ke nagar meñ ai dost

kaun phir aaya hai ashkoñ kī ye barsāt liye

dekh ye manzar-e-dil-doz ki hai qābil-e-dīd

sub.h-e-nau mere liye aa.ī siyah raat liye

ban ga.ī jo kabhī naġhma kabhī jugnū kabhī phuul

de ke sarmāya-e-jāñ ham ne vo jazbāt liye

mere ghar meñ to charāġhoñ kā dhuāñ tak bhī nahīñ

raat niklī hai hasīñ chāñd kī bārāt liye

dil jo TuuTā to har ik sāz-e-tarab TuuT gayā

'raaj ham rote rahe dard ke jazbāt liye

apne hathon mein mohabbat se mera hat liye

chandni aai magar hijr ki saughat liye

dil ke jalte hue zaKHmon ke nagar mein ai dost

kaun phir aaya hai ashkon ki ye barsat liye

dekh ye manzar-e-dil-doz ki hai qabil-e-did

subh-e-nau mere liye aai siyah raat liye

ban gai jo kabhi naghma kabhi jugnu kabhi phul

de ke sarmaya-e-jaan hum ne wo jazbaat liye

mere ghar mein to charaghon ka dhuan tak bhi nahin

raat nikli hai hasin chand ki baraat liye

dil jo TuTa to har ek saz-e-tarab TuT gaya

'raj hum rote rahe dard ke jazbaat liye