apne hathon se nasheman ko jalaya humne

apne hāthoñ se nasheman ko jalāyā ham ne

ishq kī raakh ko siine se lagāyā ham ne

dard kī aag ko sho.aloñ se shanāsā kar ke

lazzat-e-hijr kī hiddat ko chhupāyā ham ne

ruuh kī pyaas bujhāne kā irāda bāñdhā

vādī-e-ishq meñ ik phuul khilāyā ham ne

ek be-parda mohabbat ko samajh kar sach hai

jabr ko sabr kā hamrāz banāyā ham ne

raah kī dhuul ko rāhbar hī samajh baiThe the

ābla-pā the magar naam kamāyā ham ne

tere hoñToñ ke liye baaġh kī sharteñ mānīñ

phuul ke jism se rangoñ ko churāyā ham ne

dil kī kashtī ko kināre se lagāyā 'kishvar''

aur phir is meñ mohabbat ko biThāyā ham ne

apne hathon se nasheman ko jalaya hum ne

ishq ki rakh ko sine se lagaya hum ne

dard ki aag ko shoalon se shanasa kar ke

lazzat-e-hijr ki hiddat ko chhupaya hum ne

ruh ki pyas bujhane ka irada bandha

wadi-e-ishq mein ek phul khilaya hum ne

ek be-parda mohabbat ko samajh kar sach hai

jabr ko sabr ka hamraaz banaya hum ne

rah ki dhul ko rahbar hi samajh baiThe the

aabla-pa the magar nam kamaya hum ne

tere honTon ke liye bagh ki sharten manin

phul ke jism se rangon ko churaya hum ne

dil ki kashti ko kinare se lagaya 'kishwar

aur phir is mein mohabbat ko biThaya hum ne