apne hazar rang badalne lagi hai sham

apne hazār rang badalne lagī hai shaam

sher-o-suḳhan se aaj bahalne lagī hai shaam

phir apne rang-o-rūp badalne lagī hai shaam

soz-e-ġham-e-firāq meñ jalne lagī hai shaam

tanhā.iyoñ kā shahr ab us kā nasīb hai

jām-e-shab-e-firāq meñ Dhalne lagī hai shaam

aa jaao intizār ke lamhoñ ko toḌ kar

varna ḳhayāl-e-ḳhām meñ palne lagī hai shaam

ahl-e-chaman se kah do bahāroñ ke din ga.e

ab bū-e-rū-e-gul ko kuchalne lagī hai shaam

sūraj kā ḳhuun rang-e-shafaq aur rū-e-shab

fikr-o-nazar kī god meñ palne lagī hai shaam

ik chashm-e-intizār se miltā hai ye javāb

mehr-o-vafā kā rang nigalne lagī hai shaam

bazm-e-tarab meñ dekhiye dīpak kī taan par

rū-e-ufuq pe sho.ala ugalne lagī hai shaam

apne hazar rang badalne lagi hai sham

sher-o-suKHan se aaj bahalne lagi hai sham

phir apne rang-o-rup badalne lagi hai sham

soz-e-gham-e-firaq mein jalne lagi hai sham

tanhaiyon ka shahr ab us ka nasib hai

jam-e-shab-e-firaq mein Dhalne lagi hai sham

aa jao intizar ke lamhon ko toD kar

warna KHayal-e-KHam mein palne lagi hai sham

ahl-e-chaman se kah do bahaaron ke din gae

ab bu-e-ru-e-gul ko kuchalne lagi hai sham

suraj ka KHun rang-e-shafaq aur ru-e-shab

fikr-o-nazar ki god mein palne lagi hai sham

ek chashm-e-intizar se milta hai ye jawab

mehr-o-wafa ka rang nigalne lagi hai sham

bazm-e-tarab mein dekhiye dipak ki tan par

ru-e-ufuq pe shoala ugalne lagi hai sham