apne hi aas pas hun main

apne hī aas paas huuñ maiñ

ḳhud jo apnī asaas huuñ maiñ

jo haqīqat se be-ḳhabar haiñ

nazd un ke qayās huuñ maiñ

ins-o-jāñ ke liye jahāñ meñ

hai agar vo nivās huuñ meñ

us ke bunñe meñ munhamik huuñ

har badan kā libās huuñ meñ

fikr apne shikam kī kyoñ jab

har dahan kā garās huuñ maiñ

tishna-kāmo huuñ vaise sotā

dasht-e-vahshat meñ pyaas huuñ maiñ

chāhe dārul-amān meñ huuñ

is jagah bhī hirās huuñ maiñ

qurb hāsil hai chāñdnī kā

jism-e-sīmīñ kī aas huuñ maiñ

baas phūloñ kī chand lamhe

apne tan hī kī baas huuñ maiñ

dahr meñ maiñ jahāñ-jahāñ huuñ

unnatī huuñ vikās huuñ maiñ

jo hai marġhūb har kisī ko

ik vahī to vilās huuñ meñ

apne hi aas pas hun main

KHud jo apni asas hun main

jo haqiqat se be-KHabar hain

nazd un ke qayas hun main

ins-o-jaan ke liye jahan mein

hai agar wo niwas hun mein

us ke bunne mein munhamik hun

har badan ka libas hun mein

fikr apne shikam ki kyon jab

har dahan ka garas hun main

tishna-kaamo hun waise sota

dasht-e-wahshat mein pyas hun main

chahe darul-aman mein hun

is jagah bhi hiras hun main

qurb hasil hai chandni ka

jism-e-simin ki aas hun main

bas phulon ki chand lamhe

apne tan hi ki bas hun main

dahr mein main jahan-jahan hun

unnati hun wikas hun main

jo hai marghub har kisi ko

ek wahi to wilas hun mein