apne hi dil mein nahin har dil mein ghar maine kiya

apne hī dil meñ nahīñ har dil meñ ghar maiñ ne kiyā

is tarah se zindagī kā tai safar maiñ ne kiyā

ḳhūn-e-dil se 'umr-bhar maiñ ne sajā.e bām-o-dar

zindagī kā lamha-lamha bā-hunar maiñ ne kiyā

us ne baḳhshī 'ishq ke sahrā kī mujh ko sāhibī

aur har zarre se us ko jalva-gar maiñ ne kiyā

māh-o-anjum fikr kī qīmat chukā sakte nahīñ

apne ik ik harf ko rashk-e-guhar maiñ ne kiyā

ek ik Tahnī se miltī thiiñ hazāroñ ne'mateñ

phir bhī un peḌoñ ko be-barg-o-samar maiñ ne kiyā

'mast' shā'ir huuñ magar vāqif huuñ apne farz se

be-ḳhabar rah kar bhī sab ko bā-ḳhabar maiñ ne kiyā

apne hi dil mein nahin har dil mein ghar main ne kiya

is tarah se zindagi ka tai safar main ne kiya

KHun-e-dil se 'umr-bhar main ne sajae baam-o-dar

zindagi ka lamha-lamha ba-hunar main ne kiya

us ne baKHshi 'ishq ke sahra ki mujh ko sahibi

aur har zarre se us ko jalwa-gar main ne kiya

mah-o-anjum fikr ki qimat chuka sakte nahin

apne ek ek harf ko rashk-e-guhar main ne kiya

ek ek Tahni se milti thin hazaron ne'maten

phir bhi un peDon ko be-barg-o-samar main ne kiya

'mast' sha'ir hun magar waqif hun apne farz se

be-KHabar rah kar bhi sab ko ba-KHabar main ne kiya