apne hi log apne nagar ajnabi lage
apne hī log apne nagar ajnabī lage
vāpas ga.e to ghar kī har ik shai na.ī lage
ḳhānoñ meñ baT chukī thī samundar kī vus.ateñ
dariyā mohabbatoñ ke simaTtī nadī lage
rātoñ kī bheñT chaḌh ga.e vo chāñd jaise log
tārīkiyoñ ke dev jinheñ kāġhzī lage
sonā sameTtī thī jahāñ khetiyoñ meñ dhuup
vo fasl mere gaañv kī ḳhāshāk sī lage
raavī kī shaam sindh kī nikhrī huī sahar
kaam aa sake to un ko mirī zindagī lage
'qaisar' diloñ ke fāsle aaise na the kabhī
do gaam tai karūñ to mujhe ik sadī lage
apne hi log apne nagar ajnabi lage
wapas gae to ghar ki har ek shai nai lage
KHanon mein baT chuki thi samundar ki wusaten
dariya mohabbaton ke simaTti nadi lage
raaton ki bhenT chaDh gae wo chand jaise log
tarikiyon ke dew jinhen kaghzi lage
sona sameTti thi jahan khetiyon mein dhup
wo fasl mere ganw ki KHashak si lage
rawi ki sham sindh ki nikhri hui sahar
kaam aa sake to un ko meri zindagi lage
'qaisar' dilon ke fasle aaise na the kabhi
do gam tai karun to mujhe ek sadi lage
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
