apne hi shahr mein ajnabi ho gaya

apne hī shahr meñ ajnabī ho gayā

dostoñ ne jo chāhā vahī ho gayā

ġhair to ġhair apnoñ se nisbat nahīñ

kis qadar ḳhud-ġharaz aadmī ho gayā

pyaar iḳhlās dil-bastagī dilbarī

āj-kal paikar-e-kāġhazī ho gayā

qatl us ne kiyā apnā kah kar mujhe

saare ilzām se bhī barī ho gayā

log kyoñ us ko maġhrūr kahne lage

paidā jis meñ shu.ūr-e-ḳhudī ho gayā

kyā koī inqalāb aur aane ko hai

chehra ġhunchoñ kā kyoñ shabnamī ho gayā

jo bhī guzrā hai 'ḳhālid' tirī yaad meñ

lamha vo hāsil-e-zindagī ho gayā

apne hi shahr mein ajnabi ho gaya

doston ne jo chaha wahi ho gaya

ghair to ghair apnon se nisbat nahin

kis qadar KHud-gharaz aadmi ho gaya

pyar iKHlas dil-bastagi dilbari

aaj-kal paikar-e-kaghazi ho gaya

qatl us ne kiya apna kah kar mujhe

sare ilzam se bhi bari ho gaya

log kyon us ko maghrur kahne lage

paida jis mein shuur-e-KHudi ho gaya

kya koi inqalab aur aane ko hai

chehra ghunchon ka kyon shabnami ho gaya

jo bhi guzra hai 'KHalid' teri yaad mein

lamha wo hasil-e-zindagi ho gaya