apne hisse mein ajab ranj-o-fughan the jaanan

apne hisse meñ 'ajab ranj-o-fuġhāñ the jānāñ

apne lamhāt-e-bahārāñ bhī ḳhizāñ the jānāñ

tū ne dekhā hī nahīñ dil kī nigah se varna

sard āñkhoñ meñ sabhī zaḳhm ayaañ the jānāñ

ik tire hijr kī phailī huī rut se pahle

ham kisī karb se mānūs kahāñ the jānāñ

ye jo sargardāñ haiñ galiyoñ meñ udāsī ban kar

ye kabhī shahr meñ farhat kā nishāñ the jānāñ

ab tire dar se pare duur khaḌe sochte haiñ

ham tire saath ke qābil hī kahāñ the jānāñ

log kahte haiñ tire ḳhvāb sajāne vaale

tere 'abbās' se pahle bhī yahāñ the jānāñ

apne hisse mein 'ajab ranj-o-fughan the jaanan

apne lamhat-e-bahaaran bhi KHizan the jaanan

tu ne dekha hi nahin dil ki nigah se warna

sard aankhon mein sabhi zaKHm ayan the jaanan

ek tere hijr ki phaili hui rut se pahle

hum kisi karb se manus kahan the jaanan

ye jo sargardan hain galiyon mein udasi ban kar

ye kabhi shahr mein farhat ka nishan the jaanan

ab tere dar se pare dur khaDe sochte hain

hum tere sath ke qabil hi kahan the jaanan

log kahte hain tere KHwab sajaane wale

tere 'abbas' se pahle bhi yahan the jaanan