apne jazbon ki thakan yun bhi utari humne

apne jazboñ kī thakan yuuñ bhī utārī ham ne

zindagī dasht-navardī meñ guzārī ham ne

kam na kī shahr pe sūraj ne tamāzat apnī

sardiyāñ ḳhud hī fazāoñ pe kiiñ taarī ham ne

zaḳhm jis haath pe thā kaaT diyā hai us ko

bas dikhā.ī hai yahī kār-guzārī ham ne

jin kī tā.īd pe chamke the anā ke jauhar

phir sar-e-dār na dekhe vo havārī ham ne

tujh ko ma.alūm nahīñ tiir chalāne vaale

said hote hue dekhe haiñ shikārī ham ne

apne jazbon ki thakan yun bhi utari hum ne

zindagi dasht-nawardi mein guzari hum ne

kam na ki shahr pe suraj ne tamazat apni

sardiyan KHud hi fazaon pe kin tari hum ne

zaKHm jis hath pe tha kaT diya hai us ko

bas dikhai hai yahi kar-guzari hum ne

jin ki taid pe chamke the ana ke jauhar

phir sar-e-dar na dekhe wo hawari hum ne

tujh ko malum nahin tir chalane wale

said hote hue dekhe hain shikari hum ne