apne ko aaghaz ko anjam mein paya humne

apne ko āġhāz ko anjām meñ paayā ham ne

raaz kyā parda-e-ib.hām meñ paayā ham ne

kho gayā thā jo kabhī bhiiḌ meñ chehroñ kī use

apnī tanhā.ī kī har shaam meñ paayā ham ne

ret bharte rahe āñkhoñ meñ sarāboñ kī sadā

uzr jiine kā usī kaam meñ paayā ham ne

kitne shīrīñ lab-e-nā-gufta magar the us ke

lutf kuchh aur hī dushnām meñ paayā ham ne

tum to DhūñDā kiye ummīd-o-yaqīñ meñ us ko

dil kī har ḳhvāhish-e-nākām meñ paayā ham ne

apne ko aaghaz ko anjam mein paya hum ne

raaz kya parda-e-ibham mein paya hum ne

kho gaya tha jo kabhi bhiD mein chehron ki use

apni tanhai ki har sham mein paya hum ne

ret bharte rahe aankhon mein sarabon ki sada

uzr jine ka usi kaam mein paya hum ne

kitne shirin lab-e-na-gufta magar the us ke

lutf kuchh aur hi dushnam mein paya hum ne

tum to DhunDa kiye ummid-o-yaqin mein us ko

dil ki har KHwahish-e-nakaam mein paya hum ne