apne lafzon se kisi dil ko dukhane wala

apne lafzoñ se kisī dil ko dukhāne vaalā

sochtā kyoñ nahīñ muflis ko satāne vaalā

be-ḳhatā logoñ kā yuuñ ḳhuun bahāne vaalā

kaisā insān hai tū zulm kamāne vaalā

gar use chhoḌ ke jaanā hai to ik baat suno

kyā kahegā tujhe har shaḳhs zamāne vaalā

dekhtā jab huuñ maiñ is dahr ko to kahtā huuñ

kitnā qādir hai ye duniyā ko banāne vaalā

le ke aaya hai vo ā.īna dikhāne ko hameñ

jis kā ik naam hai ā.īna dikhāne vaalā

miT gayā hogā mirā naam agar hāthoñ se

dil se kis tarah miTā.egā miTāne vaalā

zulm karnā hai jise khul ke kare vo lekin

ek din ro.egā 'haidar' ko rulāne vaalā

apne lafzon se kisi dil ko dukhane wala

sochta kyon nahin muflis ko satane wala

be-KHata logon ka yun KHun bahane wala

kaisa insan hai tu zulm kamane wala

gar use chhoD ke jaana hai to ek baat suno

kya kahega tujhe har shaKHs zamane wala

dekhta jab hun main is dahr ko to kahta hun

kitna qadir hai ye duniya ko banane wala

le ke aaya hai wo aaina dikhane ko hamein

jis ka ek nam hai aaina dikhane wala

miT gaya hoga mera nam agar hathon se

dil se kis tarah miTaega miTane wala

zulm karna hai jise khul ke kare wo lekin

ek din roega 'haidar' ko rulane wala