apne lahu se nam likha ghair ka bhi dekh

apne lahū se naam likhā ġhair kā bhī dekh

zinda hai to shaqāvat-e-dasht-e-balā bhī dekh

āñkhoñ ke ā.inoñ kā to paanī utar gayā

ab jism chob-e-ḳhushk hai ye sāneha bhī dekh

hotī hai zindagī kī harārat ragoñ meñ sard

sūkhe hue badan pe ye chamḌā kasā bhī dekh

betābiyoñ ko siine ke andar sameT le

fitne ko apnī had se musalsal baḌhā bhī dekh

har zarra ibratoñ ke samundar kī shakl hai

sahrā-navard-e-shauq kabhī naqsh-e-pā bhī dekh

pahchān apnī ho to mile manzil-e-murād

'nāhīd' gaahe gaahe sahī aa.ina bhī dekh

apne lahu se nam likha ghair ka bhi dekh

zinda hai to shaqawat-e-dasht-e-bala bhi dekh

aankhon ke aainon ka to pani utar gaya

ab jism chob-e-KHushk hai ye saneha bhi dekh

hoti hai zindagi ki hararat ragon mein sard

sukhe hue badan pe ye chamDa kasa bhi dekh

betabiyon ko sine ke andar sameT le

fitne ko apni had se musalsal baDha bhi dekh

har zarra ibraton ke samundar ki shakl hai

sahra-naward-e-shauq kabhi naqsh-e-pa bhi dekh

pahchan apni ho to mile manzil-e-murad

'nahid' gahe gahe sahi aaina bhi dekh