apne naKHun apne chehre par KHarashen de gae

apne nāḳhun apne chehre par ḳharāsheñ de ga.e

ghar ke darvāze pe kuchh bhūke sadā.eñ de ga.e

jāgte logoñ ne shab-māroñ kī jab chalne na dī

din chaḌhe vo raushnī ko bad-du'ā.eñ de ga.e

ḳhud hī apne haath kaaTe aur āñkheñ phoḌ liiñ

devtāoñ ko pujārī kyā sazā.eñ de ga.e

ek apnī zaat ke nuqte ko markaz maan kar

hausloñ ke zāviye behad ḳhalā.eñ de ga.e

tez tūfānoñ ne sāhil rauñd Daale the magar

jab vo Takrā.e pahāḌoñ se ghaTā.eñ de ga.e

apne naKHun apne chehre par KHarashen de gae

ghar ke darwaze pe kuchh bhuke sadaen de gae

jagte logon ne shab-maron ki jab chalne na di

din chaDhe wo raushni ko bad-du'aen de gae

KHud hi apne hath kaTe aur aankhen phoD lin

dewtaon ko pujari kya sazaen de gae

ek apni zat ke nuqte ko markaz man kar

hauslon ke zawiye behad KHalaen de gae

tez tufanon ne sahil raund Dale the magar

jab wo Takrae pahaDon se ghaTaen de gae