apne qadmon ke sabhi naqsh miTa sakta hun

apne qadmoñ ke sabhī naqsh miTā saktā huuñ

ab suhūlat se maiñ aa saktā huuñ jā saktā huuñ

mere hāthoñ kā hunar hai ye chamakte taare

apnī poroñ pe nishāñ tujh ko dikhā saktā huuñ

us ne dīvār nahīñ yaad kā piñjra sochā

us ko mā'lūm thā darvāza banā saktā huuñ

tum ḳhizāñ meñ bhī agar baaġh meñ aanā chāho

shāḳh par phuul to kyā dil bhī khilā saktā huuñ

maiñ ne ḳhvāboñ se hai aage kī rasā.ī kar lī

maiñ binā dekhe bhī tā'bīr batā saktā huuñ

phail jā.ūñ to ye duniyā mirī vus'at se hai kam

aur simaT jā.ūñ to zarre meñ samā saktā huuñ

mujh ko kaafī hai ri'āyat ye mohabbat meñ 'muqīm'

dekh saktā huuñ use haath lagā saktā huuñ

apne qadmon ke sabhi naqsh miTa sakta hun

ab suhulat se main aa sakta hun ja sakta hun

mere hathon ka hunar hai ye chamakte tare

apni poron pe nishan tujh ko dikha sakta hun

us ne diwar nahin yaad ka pinjra socha

us ko ma'lum tha darwaza bana sakta hun

tum KHizan mein bhi agar bagh mein aana chaho

shaKH par phul to kya dil bhi khila sakta hun

main ne KHwabon se hai aage ki rasai kar li

main bina dekhe bhi ta'bir bata sakta hun

phail jaun to ye duniya meri wus'at se hai kam

aur simaT jaun to zarre mein sama sakta hun

mujh ko kafi hai ri'ayat ye mohabbat mein 'muqim'

dekh sakta hun use hath laga sakta hun