apne sae se bad-guman kyon hai

apne saa.e se bad-gumāñ kyoñ hai

aaj har shaḳhs be-amāñ kyoñ hai

zindagī hai agar pas-e-manzar

manzaroñ meñ dhuāñ dhuāñ kyoñ hai

kyā huā aaj ḳhuun ke badle

aag dil meñ ravāñ-davāñ kyoñ hai

zindagī bojh hai to jiine kā

hausla dil meñ naujavāñ kyoñ hai

bandagī hai agar batāo to

ishq meñ is qadar ziyāñ kyoñ hai

jab ki maiñ ḳhūb-rū nahīñ phir bhī

aa.ina mujh se bad-gumāñ kyoñ hai

muttahid haiñ agar to phir itnā

fāsla apne darmiyāñ kyoñ hai

zarre zarre meñ nuur hai us kā

vo ayaañ hai to phir nihāñ kyoñ hai

dil agar ġham-zada nahīñ 'nāzim'

ashk āñkhoñ se phir ravāñ kyoñ hai

apne sae se bad-guman kyon hai

aaj har shaKHs be-aman kyon hai

zindagi hai agar pas-e-manzar

manzaron mein dhuan dhuan kyon hai

kya hua aaj KHun ke badle

aag dil mein rawan-dawan kyon hai

zindagi bojh hai to jine ka

hausla dil mein naujawan kyon hai

bandagi hai agar batao to

ishq mein is qadar ziyan kyon hai

jab ki main KHub-ru nahin phir bhi

aaina mujh se bad-guman kyon hai

muttahid hain agar to phir itna

fasla apne darmiyan kyon hai

zarre zarre mein nur hai us ka

wo ayan hai to phir nihan kyon hai

dil agar gham-zada nahin 'nazim'

ashk aankhon se phir rawan kyon hai