apne zarf apni talab apni nazar ki baat hai
apne zarf apnī talab apnī nazar kī baat hai
raat hai lekin mire lab par sahar kī baat hai
āshiyāñ ke saath puurī zindagī badlī ga.ī
kam-nazar samjhe ki musht-e-bāl-o-par kī baat hai
tā-abad kitne añdhere the ki raushan ho ga.e
sham.a kā jalnā ba-zāhir raat bhar kī baat hai
zindagī sadiyoñ kā hāsil zindagī sadiyoñ kā ruup
zindagī jo chashmak-e-barq-o-sharar kī baat hai
manzil ik rah-rav kā thak jaanā hai varna zindagī
ik musalsal rahguzar paiham safar kī baat hai
apne zarf apni talab apni nazar ki baat hai
raat hai lekin mere lab par sahar ki baat hai
aashiyan ke sath puri zindagi badli gai
kam-nazar samjhe ki musht-e-baal-o-par ki baat hai
ta-abad kitne andhere the ki raushan ho gae
shama ka jalna ba-zahir raat bhar ki baat hai
zindagi sadiyon ka hasil zindagi sadiyon ka rup
zindagi jo chashmak-e-barq-o-sharar ki baat hai
manzil ek rah-raw ka thak jaana hai warna zindagi
ek musalsal rahguzar paiham safar ki baat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
