apne zauq-e-did ko ab kargar pata hun main
apne zauq-e-dīd ko ab kārgar paatā huuñ maiñ
un kā jalva har taraf pesh-e-nazar paatā huuñ maiñ
vo bhī din the jab mire dil ko thī terī justujū
ye bhī din hai dil ko ab terā hī ghar paatā huuñ maiñ
har qadam hai justujū kī raah meñ dushvār-tar
har qadam par gum-rahī ko rāhbar paatā huuñ maiñ
aa gayā hai ishq meñ kaisā ye hairat kā maqām
jis taraf jaatā huuñ un ko jalva-gar paatā huuñ maiñ
ab kahāñ merī nazar meñ dahr kī rañgīniyāñ
ab to apne aap hī ko ḳhud-nigar paatā huuñ maiñ
maut se hotī hai 'shaidā' zindagī kī parvarish
har nafas meñ ye haqīqat mushtahar paatā huuñ maiñ
apne zauq-e-did ko ab kargar pata hun main
un ka jalwa har taraf pesh-e-nazar pata hun main
wo bhi din the jab mere dil ko thi teri justuju
ye bhi din hai dil ko ab tera hi ghar pata hun main
har qadam hai justuju ki rah mein dushwar-tar
har qadam par gum-rahi ko rahbar pata hun main
aa gaya hai ishq mein kaisa ye hairat ka maqam
jis taraf jata hun un ko jalwa-gar pata hun main
ab kahan meri nazar mein dahr ki ranginiyan
ab to apne aap hi ko KHud-nigar pata hun main
maut se hoti hai 'shaida' zindagi ki parwarish
har nafas mein ye haqiqat mushtahar pata hun main
- Book : Nuquush-e-daaG (Pg. 237)
- Author : Sahir Hoshiyarpuri
- Publication : Haryana Urdu Acadami (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
