apni ghazal ko KHun ka sailab le gaya

apnī ġhazal ko ḳhuun kā sailāb le gayā

āñkheñ rahīñ khulī kī khulī ḳhvāb le gayā

shab-zinda-dār log añdheroñ se Dar ga.e

sub.h-e-azal se kaun tab-o-tāb le gayā

uryāñ hai merī laash haqīqat kī dhuup meñ

vo apne saath yādoñ kā barfāb le gayā

aayā mare qarīb gul-e-sīm-tan kī tarah

saarā sukūn sūrat-e-sīmāb le gayā

mujh ko supurd-e-tishnagī-e-rūh kar gayā

vo apne saath bazm-e-mai-e-nāb le gayā

apni ghazal ko KHun ka sailab le gaya

aankhen rahin khuli ki khuli KHwab le gaya

shab-zinda-dar log andheron se Dar gae

subh-e-azal se kaun tab-o-tab le gaya

uryan hai meri lash haqiqat ki dhup mein

wo apne sath yaadon ka barfab le gaya

aaya mare qarib gul-e-sim-tan ki tarah

sara sukun surat-e-simab le gaya

mujh ko supurd-e-tishnagi-e-ruh kar gaya

wo apne sath bazm-e-mai-e-nab le gaya