apni majburi batata raha ro kar mujhko

apnī majbūrī batātā rahā ro kar mujh ko

vo milā bhī to kisī aur kā ho kar mujh ko

maiñ ḳhudā to nahīñ jo us ko dikhā.ī na diyā

DhūñDhtā merā pujārī kabhī kho kar mujh ko

pā liyā jis ne tah-e-āb bhī apnā sāhil

mutma.in thā mirā tūfān Dubo kar mujh ko

reg-e-sāhil pe likhī vaqt kī tahrīr huuñ maiñ

mauj aa.e to chalī jā.egī dho kar mujh ko

niiñd hī jaise koī kunj-e-amāñ hai ab to

chain miltā hai bahut der se so kar mujh ko

fasl-e-gul ho to nikāle mujhe is barzaḳh se

bhuul jaa.e na tah-e-sañg vo bo kar mujh ko

apni majburi batata raha ro kar mujh ko

wo mila bhi to kisi aur ka ho kar mujh ko

main KHuda to nahin jo us ko dikhai na diya

DhunDhta mera pujari kabhi kho kar mujh ko

pa liya jis ne tah-e-ab bhi apna sahil

mutmain tha mera tufan Dubo kar mujh ko

reg-e-sahil pe likhi waqt ki tahrir hun main

mauj aae to chali jaegi dho kar mujh ko

nind hi jaise koi kunj-e-aman hai ab to

chain milta hai bahut der se so kar mujh ko

fasl-e-gul ho to nikale mujhe is barzaKH se

bhul jae na tah-e-sang wo bo kar mujh ko