apni nazar mein aapko ruswa na kar sake
apnī nazar meñ aap ko rusvā na kar sake
ham dushmanoñ ke saath bhī dhokā na kar sake
sab rāstoñ kā ilm thā manzil qarīb thī
afsos ham-safar kā irāda na kar sake
āñkheñ asiir zehn giraftār lab ba-qufl
un ke huzūr ek ishāra na kar sake
un kā sitam to ḳhair bahut sah liyā magar
un ke karam kā bojh gavārā na kar sake
yārān-e-ġham-gusār dilāse tasalliyāñ
tinke the jin pe koī sahārā na kar sake
likhte rahe junūñ kī hikāyāt ḳhūñ-chakāñ
lekin kisī pe raaz ye ifshā na kar sake
zulmat-parast charāġh the aise bhī kuchh 'razā'
jalte rahe magar jo ujālā na kar sake
apni nazar mein aap ko ruswa na kar sake
hum dushmanon ke sath bhi dhoka na kar sake
sab raston ka ilm tha manzil qarib thi
afsos ham-safar ka irada na kar sake
aankhen asir zehn giraftar lab ba-qufl
un ke huzur ek ishaara na kar sake
un ka sitam to KHair bahut sah liya magar
un ke karam ka bojh gawara na kar sake
yaran-e-gham-gusar dilase tasalliyan
tinke the jin pe koi sahaara na kar sake
likhte rahe junun ki hikayat KHun-chakan
lekin kisi pe raaz ye ifsha na kar sake
zulmat-parast charagh the aise bhi kuchh 'raza'
jalte rahe magar jo ujala na kar sake
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
