apni tamir mein kab bais-e-nuqsan hun main

apnī ta.amīr meñ kab bā.is-e-nuqsān huuñ maiñ

bas ḳhushī ke liye muddat se pareshān huuñ maiñ

yuuñ uThā.e hue phirtī hai mujhe gām-ba-gām

jaise taqdīr kā bāñdhā huā sāmān huuñ maiñ

kitne chehroñ ke ḳhad-o-ḳhāl meñ chehra na rahā

iztirābī tire kirdār pe hairān huuñ maiñ

itnā dukh de ki tirā dard badan jhel sake

zindagī kuchh bhī ho āḳhir tirā mehmān huuñ maiñ

tez āñdhī meñ kisī sūkhe shajar kī sūrat

kaun samjhegā dhaḌakte hue be-jān huuñ maiñ

is liye tujh se hifāzat kī duā hai mālik

terī baḳhshī huī rahmat kā nigahbān huuñ maiñ

mere hone kī koī ek alāmat to mile

jis se mahsūs kiyā jaa.e ki 'shīrān' huuñ maiñ

apni tamir mein kab bais-e-nuqsan hun main

bas KHushi ke liye muddat se pareshan hun main

yun uThae hue phirti hai mujhe gam-ba-gam

jaise taqdir ka bandha hua saman hun main

kitne chehron ke KHad-o-KHal mein chehra na raha

iztirabi tere kirdar pe hairan hun main

itna dukh de ki tera dard badan jhel sake

zindagi kuchh bhi ho aaKHir tera mehman hun main

tez aandhi mein kisi sukhe shajar ki surat

kaun samjhega dhaDakte hue be-jaan hun main

is liye tujh se hifazat ki dua hai malik

teri baKHshi hui rahmat ka nigahban hun main

mere hone ki koi ek alamat to mile

jis se mahsus kiya jae ki 'shiran' hun main