apnon ka ye aalam kya kahiye milte hain to beganon ki tarah
![Mujeeb Khairabadi Mujeeb Khairabadi](https://www.rekhta.org/Content/Images/quill.png)
apnon ka ye aalam kya kahiye milte hain to beganon ki tarah
Mujeeb Khairabadi
MORE BYMujeeb Khairabadi
apnoñ kā ye aalam kyā kahiye milte haiñ to begānoñ kī tarah
is daur meñ dil be-qīmat haiñ TuuTe hue paimānoñ kī tarah
parvāne to jal bujhte haiñ magar dil haiñ ki sulagte rahte haiñ
āsāñ to nahīñ jiite rahnā ham aise girāñ-jānoñ kī tarah
yā sham.a kī lo hī maddham hai yā sard hai dil kī aag abhī
sochā thā ki uḌ kar pahuñcheñge us bazm meñ parvānoñ kī tarah
tinkoñ ke safīne le le kar kyā kyā na muqābil aa.ī ḳhirad
ham ahl-e-junūñ raqsāñ hī rahe biphre hue tūfānoñ kī tarah
yā kaun-o-makāñ meñ ḳhvār hue yā kaun-o-makāñ kī ḳhair nahīñ
jiinā hai to insānoñ kī tarah marnā hai to insānoñ kī tarah
apnon ka ye aalam kya kahiye milte hain to beganon ki tarah
is daur mein dil be-qimat hain TuTe hue paimanon ki tarah
parwane to jal bujhte hain magar dil hain ki sulagte rahte hain
aasan to nahin jite rahna hum aise giran-jaanon ki tarah
ya shama ki lo hi maddham hai ya sard hai dil ki aag abhi
socha tha ki uD kar pahunchenge us bazm mein parwanon ki tarah
tinkon ke safine le le kar kya kya na muqabil aai KHirad
hum ahl-e-junun raqsan hi rahe biphre hue tufanon ki tarah
ya kaun-o-makan mein KHwar hue ya kaun-o-makan ki KHair nahin
jina hai to insanon ki tarah marna hai to insanon ki tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.