apnon ko nahin samjha apna begana samajh kar chhoD diya

apnoñ ko nahīñ samjhā apnā begāna samajh kar chhoḌ diyā

afsos haqīqat ko tum ne afsāna samajh ke chhoḌ diyā

tum ne bhī mire TuuTe dil kī kuchh qadr na kī kyā zulm kiyā

tum ne bhī mirā dil TuuTā huā paimāna samajh ke chhoḌ diyā

mandir ko na samjhā ghar us kā afsos baḌī nādānī kī

allāh ke ghar ko zāhid ne but-ḳhāna samajh ke chhoḌ diyā

ai hazrat-e-mūsā shukr karo tum ko na jalāyā ḳhair huī

is sham.a ne apne jalvoñ kā parvāna banā ke chhoḌ diyā

marne ke baa'd bhī kaam aa.ī dīvāngī apnī ai 'purnam'

turbat meñ farishtoñ ne mujh ko dīvāna samajh kar chhoḌ diyā

apnon ko nahin samjha apna begana samajh kar chhoD diya

afsos haqiqat ko tum ne afsana samajh ke chhoD diya

tum ne bhi mere TuTe dil ki kuchh qadr na ki kya zulm kiya

tum ne bhi mera dil TuTa hua paimana samajh ke chhoD diya

mandir ko na samjha ghar us ka afsos baDi nadani ki

allah ke ghar ko zahid ne but-KHana samajh ke chhoD diya

ai hazrat-e-musa shukr karo tum ko na jalaya KHair hui

is shama ne apne jalwon ka parwana bana ke chhoD diya

marne ke ba'd bhi kaam aai diwangi apni ai 'purnam'

turbat mein farishton ne mujh ko diwana samajh kar chhoD diya