apnon ne diye dhoke ghairon ne sataya bhi
apnoñ ne diye dhoke ġhairoñ ne satāyā bhī
is par bhī ġhazal-ḳhvāñ haiñ kyā dil hai hamārā bhī
shahroñ ke makānoñ meñ hotā rahā aisā bhī
be-ghar ko panah de kar ghar vāloñ ne luuTā bhī
ḳhud aag lagāte haiñ apne hī makānoñ meñ
dekhā hai fasādoñ meñ ham ne ye tamāshā bhī
jis peḌ ke saa.e meñ miltā thā sukūñ sab ko
us peḌ ko logoñ ne kaaTā bhī jalāyā bhī
koī bhī nahīñ pohñchā sab mahv-e-tamāshā the
us Dūbne vaale ne māñgā thā sahārā bhī
hasrat-bharī āñkhoñ se dekho na mirī jānib
bujhtī huī chingārī ban jaatī hai sho'la bhī
hai un ko bhulā denā dushvār bahut 'sābir'
vo ham ko bhulā baiTheñ mumkin nahīñ aisā bhī
apnon ne diye dhoke ghairon ne sataya bhi
is par bhi ghazal-KHwan hain kya dil hai hamara bhi
shahron ke makanon mein hota raha aisa bhi
be-ghar ko panah de kar ghar walon ne luTa bhi
KHud aag lagate hain apne hi makanon mein
dekha hai fasadon mein hum ne ye tamasha bhi
jis peD ke sae mein milta tha sukun sab ko
us peD ko logon ne kaTa bhi jalaya bhi
koi bhi nahin pohncha sab mahw-e-tamasha the
us Dubne wale ne manga tha sahaara bhi
hasrat-bhari aankhon se dekho na meri jaanib
bujhti hui chingari ban jati hai sho'la bhi
hai un ko bhula dena dushwar bahut 'sabir'
wo hum ko bhula baiThen mumkin nahin aisa bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.