aql ek mauj-e-rawan mere KHayalat mein hai

aql ik mauj-e-ravāñ mere ḳhayālāt meñ hai

hāsil-e-hosh-o-ḳhirad merī ḳhurāfāt meñ hai

lutf jo un ke ishārāt-o-kināyāt meñ hai

vo kisī harf-o-hikāyat na kisī baat meñ hai

mājrā-e-ġham-e-dil aaj kā qila to nahīñ

ye fasāna mirī derīna rivāyāt meñ hai

ātish-e-gul hai mire dāġh-e-jigar kī tanvīr

ḳhush-navā.ī-e-anādil mire naġhmāt meñ hai

ḳhidmat-e-dost meñ kal nazr kyā thā dil ko

tohfa-e-jān-e-hazīñ aaj kī sauġhāt meñ hai

apne pahlū meñ mohabbat ko jagah de ai dost

ḳhūbī-e-har-do-jahāñ husn-e-musāvāt meñ hai

pā-e-sāqī pe girā sajde meñ shāyad vaa.iz

ik qayāmat sī bapā aaj ḳharābāt meñ hai

ab kahāñ apnī vafāoñ pe yaqīñ hai mujh ko

ki yaqīñ bhī to mirā gum tire shub.hāt meñ hai

rū-e-dād-e-qamar-o-zohra keh mahbūb mujhe

husn-e-āfāq numāyāñ jo sanamyāt meñ hai

ho jo fursat to kabhī ham se bhī bāteñ kar lo

zindagānī kā maza harf-o-hikāyāt meñ hai

paa.e vo din ki ziyā-pāsh ruḳh-e-raushan thā

ab kahāñ jalva-e-mahtāb mirī baat meñ hai

yaad aa jaatī hai be-mehrī-e-ahbāb zarūr

varna kyā fā.eda ġhairoñ se mulāqāt meñ hai

dil taḌaptā hai shab-o-roz ġham-e-furqat meñ

ab kisī din meñ maza hai na kisī raat meñ hai

chashm-e-sāqī kī taraf dekh rahe haiñ mai-ḳhvār

ye kisī taak meñ hai vo bhī kisī ghaat meñ hai

aql ek mauj-e-rawan mere KHayalat mein hai

hasil-e-hosh-o-KHirad meri KHurafat mein hai

lutf jo un ke ishaaraat-o-kinayat mein hai

wo kisi harf-o-hikayat na kisi baat mein hai

majra-e-gham-e-dil aaj ka qila to nahin

ye fasana meri derina riwayat mein hai

aatish-e-gul hai mere dagh-e-jigar ki tanwir

KHush-nawai-e-anadil mere naghmat mein hai

KHidmat-e-dost mein kal nazr kya tha dil ko

tohfa-e-jaan-e-hazin aaj ki saughat mein hai

apne pahlu mein mohabbat ko jagah de ai dost

KHubi-e-har-do-jahan husn-e-musawat mein hai

pa-e-saqi pe gira sajde mein shayad waiz

ek qayamat si bapa aaj KHarabaat mein hai

ab kahan apni wafaon pe yaqin hai mujh ko

ki yaqin bhi to mera gum tere shubhat mein hai

ru-e-dad-e-qamar-o-zohra keh mahbub mujhe

husn-e-afaq numayan jo sanamyat mein hai

ho jo fursat to kabhi hum se bhi baaten kar lo

zindagani ka maza harf-o-hikayat mein hai

pae wo din ki ziya-pash ruKH-e-raushan tha

ab kahan jalwa-e-mahtab meri baat mein hai

yaad aa jati hai be-mehri-e-ahbab zarur

warna kya faeda ghairon se mulaqat mein hai

dil taDapta hai shab-o-roz gham-e-furqat mein

ab kisi din mein maza hai na kisi raat mein hai

chashm-e-saqi ki taraf dekh rahe hain mai-KHwar

ye kisi tak mein hai wo bhi kisi ghat mein hai