aqlim-e-aql-o-hosh ke sultan ho gae

aqlīm-e-aql-o-hosh ke sultān ho ga.e

ḳhud ko bhulā ke sāhib-e-irfān ho ga.e

kyā jaane aks merā vahāñ kaise aa gayā

vo aa.ine ko dekh ke hairān ho ga.e

har gosha-e-hayāt mirā jagmagā uThā

raushan mohabbatoñ ke sham.a-dān ho ga.e

yādoñ ke zaḳhm aur zamāne kī tohmateñ

ham bekasoñ kī maut ke sāmān ho ga.e

aisī havā chalī ki mirā dil hī bujh gayā

tārīk merī ziist ke aivān ho ga.e

'tanhā' se ab zarā bhī marāsim nahīñ rahe

terī taraf se aaj ye elaan ho ga.e

aqlim-e-aql-o-hosh ke sultan ho gae

KHud ko bhula ke sahib-e-irfan ho gae

kya jaane aks mera wahan kaise aa gaya

wo aaine ko dekh ke hairan ho gae

har gosha-e-hayat mera jagmaga uTha

raushan mohabbaton ke shama-dan ho gae

yaadon ke zaKHm aur zamane ki tohmaten

hum bekason ki maut ke saman ho gae

aisi hawa chali ki mera dil hi bujh gaya

tarik meri zist ke aiwan ho gae

'tanha' se ab zara bhi marasim nahin rahe

teri taraf se aaj ye elan ho gae