arsa daraaz jis se mera dil laga raha

arsa darāz jis se mirā dil lagā rahā

vo bevafā sā shaḳhs thā vo bevafā rahā

nekī vo kaunsī thī ki jis kī jazā milī

tasvīr terī dekh ke maiñ sochtā rahā

shāyad badal gayā ho vo ab kī ḳhabar nahīñ

jab tak hamāre saath thā achchhā bhalā rahā

muddat ke baad aaj vo phir yaad aa.ī hai

muḳhlis thī yā nahīñ thī magar dil lagā rahā

tujh se judā hue to adhūre se ham rahe

ḳhushiyāñ to har taraf thiiñ magar dil dukhā rahā

yuuñ to kisī pe rāz-e-mohabbat ayaañ nahīñ

par niiñd meñ maiñ naam tirā boltā rahā

vaa.iz se yuuñ ḳhudā ne kī āġhāz guftugū

sunte haiñ tū jahāñ meñ baḌā pārsā rahā

baiThe rahe vo 'shān' raqīboñ kī bazm meñ

vaañ par charāġh aur yahāñ dil jalā rahā

arsa daraaz jis se mera dil laga raha

wo bewafa sa shaKHs tha wo bewafa raha

neki wo kaunsi thi ki jis ki jaza mili

taswir teri dekh ke main sochta raha

shayad badal gaya ho wo ab ki KHabar nahin

jab tak hamare sath tha achchha bhala raha

muddat ke baad aaj wo phir yaad aai hai

muKHlis thi ya nahin thi magar dil laga raha

tujh se juda hue to adhure se hum rahe

KHushiyan to har taraf thin magar dil dukha raha

yun to kisi pe raaz-e-mohabbat ayan nahin

par nind mein main nam tera bolta raha

waiz se yun KHuda ne ki aaghaz guftugu

sunte hain tu jahan mein baDa parsa raha

baiThe rahe wo 'shan' raqibon ki bazm mein

wan par charagh aur yahan dil jala raha