arz-e-matlab ne kiya aur bhi kuchh KHwar mujhe

arz-e-matlab ne kiyā aur bhī kuchh ḳhvār mujhe

jab bhī milte haiñ sunā dete haiñ do-chār mujhe

shauq kartā hai agar mā.il-e-raftār mujhe

rok letā hai mirā tauq-e-girāñ-bār mujhe

chārāgar kaisī davā chheḌ na bekār mujhe

chhoḌ bhī de mirī hālat pe mire yaar mujhe

dekhtī hai jo mirī nargis-e-bīmār mujhe

yaad rahtā nahīñ apnā koī āzār mujhe

husn-e-ḳhvābīda tirī ḳhvāb-gah-e-nāz meñ aaj

le ke aaya hai mirā tāla-e-bedār mujhe

mohtasib ishq nahīñ aa.ina ye mujrim hai

tū kis ilzām meñ kartā hai giraftār mujhe

nām-e-haq le ke sū-e-manzil-e-maqsad huuñ ravāñ

na to vahshat hai na ḳhauf-e-rasan-o-dār mujhe

shab ga.ī aa.ī sahar shor-e-azāñ hai 'āġhā'

phir kiyā nāra-e-takbīr ne bedār mujhe

arz-e-matlab ne kiya aur bhi kuchh KHwar mujhe

jab bhi milte hain suna dete hain do-chaar mujhe

shauq karta hai agar mail-e-raftar mujhe

rok leta hai mera tauq-e-giran-bar mujhe

chaaragar kaisi dawa chheD na bekar mujhe

chhoD bhi de meri haalat pe mere yar mujhe

dekhti hai jo meri nargis-e-bimar mujhe

yaad rahta nahin apna koi aazar mujhe

husn-e-KHwabida teri KHwab-gah-e-naz mein aaj

le ke aaya hai mera tala-e-bedar mujhe

mohtasib ishq nahin aaina ye mujrim hai

tu kis ilzam mein karta hai giraftar mujhe

nam-e-haq le ke su-e-manzil-e-maqsad hun rawan

na to wahshat hai na KHauf-e-rasan-o-dar mujhe

shab gai aai sahar shor-e-azan hai 'agha'

phir kiya nara-e-takbir ne bedar mujhe