asar dua mein nahin tishna sare KHwab rahe

asar du'ā meñ nahīñ tishna saare ḳhvāb rahe

raqīb ne kahā āmīn mustajāb rahe

vo jin ke qurb kī ḳhvāhish rahī hamesha se

'adū ko roz hī pahroñ vo dastyāb rahe

na jo hameñ pas-e-chilman kabhī dikhā.ī diye

sadā vo sāmne ġhairoñ ke be-hijāb rahe

vo jin kī raah meñ palkeñ bichā.ī thiiñ ham ne

tamām jaur-o-sitam ham pe be-hisāb rahe

na-jāne bad-du'ā 'shahzād' kis ne dī ham ko

tamām 'umr hī ġham apne ham-rikāb rahe

asar du'a mein nahin tishna sare KHwab rahe

raqib ne kaha aamin mustajab rahe

wo jin ke qurb ki KHwahish rahi hamesha se

'adu ko roz hi pahron wo dastyab rahe

na jo hamein pas-e-chilman kabhi dikhai diye

sada wo samne ghairon ke be-hijab rahe

wo jin ki rah mein palken bichai thin hum ne

tamam jaur-o-sitam hum pe be-hisab rahe

na-jaane bad-du'a 'shahzad' kis ne di hum ko

tamam 'umr hi gham apne ham-rikab rahe