ashk aankhon mein DabDabae hain

ashk āñkhoñ meñ DabDabā.e haiñ

bhūle afsāne yaad aa.e haiñ

ham ne dāman ko tār-tār kiyā

mausam-e-gul ne gul khilā.e haiñ

aksar auqāt roġhnī ke liye

ham ne dil ke diye jalā.e haiñ

rañj baḳhshe haiñ aise apnoñ ne

ham ko begāne yaad aa.e haiñ

chand-roza hayāt kī ḳhātir

zindagī-bhar fareb khaa.e haiñ

mai-kasho ek jaam ta.azīman

hazrat-e-vā.iz aaj aa.e haiñ

vaqt hī kā to pher hai 'bismil'

kal jo apne the ab parā.e haiñ

ashk aankhon mein DabDabae hain

bhule afsane yaad aae hain

hum ne daman ko tar-tar kiya

mausam-e-gul ne gul khilae hain

aksar auqat roghni ke liye

hum ne dil ke diye jalae hain

ranj baKHshe hain aise apnon ne

hum ko begane yaad aae hain

chand-roza hayat ki KHatir

zindagi-bhar fareb khae hain

mai-kasho ek jam taziman

hazrat-e-waiz aaj aae hain

waqt hi ka to pher hai 'bismil'

kal jo apne the ab parae hain