ashk aankhon mein hon aur roun nahin

ashk āñkhoñ meñ hoñ aur ro.uuñ nahīñ

mo'jiza kahiye ise afsūñ nahīñ

baal bhar bhī qad se maiñ uchhlūñ nahīñ

ḳhud se chhoTā bhī nazar aa.uuñ nahīñ

din agar din se hoñ rāteñ raat sī

vahshatoñ meñ is qadar uljhūñ nahīñ

lag ga.iiñ kyā is ke bhī baisākhiyāñ

tezī se ye vaqt Dhaltā kyoñ nahīñ

dil to kab se chāhtā hai dosto

jo bhī karnā hai karūñ sochūñ nahīñ

jhūTh bhī miT jaa.e merī zaat se

aur koī sach baat bhī likkhūñ nahīñ

ashk aankhon mein hon aur roun nahin

mo'jiza kahiye ise afsun nahin

baal bhar bhi qad se main uchhlun nahin

KHud se chhoTa bhi nazar aaun nahin

din agar din se hon raaten raat si

wahshaton mein is qadar uljhun nahin

lag gain kya is ke bhi baisakhiyan

tezi se ye waqt Dhalta kyon nahin

dil to kab se chahta hai dosto

jo bhi karna hai karun sochun nahin

jhuTh bhi miT jae meri zat se

aur koi sach baat bhi likkhun nahin