ashk-e-gham se shikwa-e-bedad kar leta hun main

ashk-e-ġham se shikva-e-bedād kar letā huuñ maiñ

be-zabāñ to huuñ magar fariyād kar letā huuñ maiñ

jab shabāb-o-husn un kā yaad kar letā huuñ maiñ

ik jahān-e-rañg-o-bū ābād kar letā huuñ maiñ

jab kabhī tark-e-mohabbat kī sadā detā hai dil

aap kī pahlī vafā.eñ yaad kar letā huuñ maiñ

ārzū-e-dīd se dil ko hujūm-e-yās se

shaad kar letā huuñ maiñ nāshād kar letā huuñ maiñ

shab-e-ġham se dar-haqīqat ishq kī hotī hai qadar

āshiyāñ meñ yuuñ qafas ko yaad kar letā huuñ maiñ

hotī hai mahsūs jab un kī jafāoñ meñ kamī

ḳhud-baḳhud taaza sitam ījād kar letā huuñ maiñ

ashk-e-gham se shikwa-e-bedad kar leta hun main

be-zaban to hun magar fariyaad kar leta hun main

jab shabab-o-husn un ka yaad kar leta hun main

ek jahan-e-rang-o-bu aabaad kar leta hun main

jab kabhi tark-e-mohabbat ki sada deta hai dil

aap ki pahli wafaen yaad kar leta hun main

aarzu-e-did se dil ko hujum-e-yas se

shad kar leta hun main nashad kar leta hun main

shab-e-gham se dar-haqiqat ishq ki hoti hai qadar

aashiyan mein yun qafas ko yaad kar leta hun main

hoti hai mahsus jab un ki jafaon mein kami

KHud-baKHud taza sitam ijad kar leta hun main