asir-e-hosh ki har dastaras se bahar tha

asīr-e-hosh kī har dastaras se bāhar thā

vo lams aur hī thā jo havas se bāhar thā

mirī talāsh meñ koī sadā-ba-sahrā thā

maiñ ḳhud asiir thā lekin qafas se bāhar thā

jo merā jism bhī thā aur merī jaan bhī thā

vo shaḳhs kahte haiñ qaid-e-qafas se bāhar thā

mirī hayāt kā andāz hī nirālā thā

maiñ us ke bas meñ thā jo mere bas se bāhar thā

mirā shu'ūr mirī fikr zauq-e-fan merā

mirī hayāt ke ik ik baras se bāhar thā

jo zā.iqoñ kī hadoñ meñ na aa sakā 'vasfī'

vo ras magas hī meñ thā yā magas se bāhar thā

asir-e-hosh ki har dastaras se bahar tha

wo lams aur hi tha jo hawas se bahar tha

meri talash mein koi sada-ba-sahra tha

main KHud asir tha lekin qafas se bahar tha

jo mera jism bhi tha aur meri jaan bhi tha

wo shaKHs kahte hain qaid-e-qafas se bahar tha

meri hayat ka andaz hi nirala tha

main us ke bas mein tha jo mere bas se bahar tha

mera shu'ur meri fikr zauq-e-fan mera

meri hayat ke ek ek baras se bahar tha

jo zaiqon ki hadon mein na aa saka 'wasfi'

wo ras magas hi mein tha ya magas se bahar tha