asir-e-kashmakash-e-intizar hum bhi hain

asīr-e-kashmakash-e-intizār ham bhī haiñ

tirī nigāh ke ummīd-vār ham bhī haiñ

tumhāre sāmne hairāñ haiñ misl-e-ā.īna

ḳhud apne husn-e-nazar ke shikār ham bhī haiñ

lahū se apne tarāvish hai lāla-o-gul par

sharīk-e-qāfila-e-nau-bahār ham bhī haiñ

hameñ ḳhabar hai pazīrā.ī-e-ġham-e-dil kī

harīm-e-nāz ke ik rāzdār ham bhī haiñ

maqām-e-khusravī-o-bazm-e-jam kā zikr hī kyā

ki zer-e-sāya-e-dīvār-e-yār ham bhī haiñ

nigāh pher na apne gunāhgāroñ se

idhar to dekh sazā-vār-e-dār ham bhī haiñ

hamāre dil meñ taḌaptī haiñ bijliyāñ 'ahmar'

halāk-e-sheva-e-guftār-e-yār ham bhī haiñ

asir-e-kashmakash-e-intizar hum bhi hain

teri nigah ke ummid-war hum bhi hain

tumhaare samne hairan hain misl-e-aina

KHud apne husn-e-nazar ke shikar hum bhi hain

lahu se apne tarawish hai lala-o-gul par

sharik-e-qafila-e-nau-bahaar hum bhi hain

hamein KHabar hai pazirai-e-gham-e-dil ki

harim-e-naz ke ek raazdar hum bhi hain

maqam-e-khusrawi-o-bazm-e-jam ka zikr hi kya

ki zer-e-saya-e-diwar-e-yar hum bhi hain

nigah pher na apne gunahgaron se

idhar to dekh saza-war-e-dar hum bhi hain

hamare dil mein taDapti hain bijliyan 'ahmar'

halak-e-shewa-e-guftar-e-yar hum bhi hain