asiran-e-hawadis ki giran-jaani nahin jati

asīrān-e-havādis kī girāñ-jānī nahīñ jaatī

jahāñ se ḳhūn-e-insānī kī arzānī nahīñ jaatī

daroġh-e-maslahat ke dekh kar āsār chehroñ par

haqīqat-āshnā āñkhoñ kī hairānī nahīñ jaatī

nishān-e-khusravī to miT ga.e haiñ lauh-e-ālam se

kulāh-e-khusravī se bū-e-sultānī nahīñ jaatī

añdherā is qadar hai shahr par chhāyā siyāsat kā

kisī bhī shaḳhs kī ab shakl pahchānī nahīñ jaatī

zamāna karbalā kā naam sun kar kaañp uThtā hai

abhī tak ḳhūn-e-shabbīrī kī jaulānī nahīñ jaatī

fuzūñ-tar aur hote jā rahe haiñ chaak dāman ke

rafū-gar se hamārī chāk-dāmānī nahīñ jaatī

ye maanā raushnī ko pī ga.ī zulmat jihālat kī

magar is zarra-e-ḳhākī kī tābānī nahīñ jaatī

asiran-e-hawadis ki giran-jaani nahin jati

jahan se KHun-e-insani ki arzani nahin jati

darogh-e-maslahat ke dekh kar aasar chehron par

haqiqat-ashna aankhon ki hairani nahin jati

nishan-e-khusrawi to miT gae hain lauh-e-alam se

kulah-e-khusrawi se bu-e-sultani nahin jati

andhera is qadar hai shahr par chhaya siyasat ka

kisi bhi shaKHs ki ab shakl pahchani nahin jati

zamana karbala ka nam sun kar kanp uThta hai

abhi tak KHun-e-shabbiri ki jaulani nahin jati

fuzun-tar aur hote ja rahe hain chaak daman ke

rafu-gar se hamari chaak-damani nahin jati

ye mana raushni ko pi gai zulmat jihaalat ki

magar is zarra-e-KHaki ki tabani nahin jati