aur kar lenge wo kya ab hamein ruswa kar ke

aur kar leñge vo kyā ab hameñ rusvā kar ke

ab jo aa.e haiñ to jā.eñge tamāshā kar ke

apnī taḳhlīq ke ikmāl se saudā kar ke

kaun is parde meñ baiThā hai tamāshā kar ke

ik zamāna hai pareshān muamma kyā hai

tum to ġhā.eb hue kuchh kaam adhūrā kar ke

tere jalve kī havas ham ko har ik rañg meñ hai

sū-e-but-ḳhāna chale jaate haiñ sajda kar ke

taaki sajdoñ kī taḌap meñ na kamī aa paa.e

aur sajdoñ ke liye nikle haiñ sajda kar ke

itnī rañgīn jo duniyā hai tirī hī to hai

kis tarah kufr kareñ ham yahāñ tauba kar ke

jis ne luTte hue dekhā hai tamaddun apnā

us se kahte ho rahe tum pe bharosa kar ke

ham se kyā pūchho ho ahvāl-e-haram ai logo

aaj ke dard kā jaao to mudāvā kar ke

'mānī' mai-ḳhāne ko masjid se chale kahte hue

thoḌī tabdīlī ko ho aate haiñ sajda kar ke

aur kar lenge wo kya ab hamein ruswa kar ke

ab jo aae hain to jaenge tamasha kar ke

apni taKHliq ke ikmal se sauda kar ke

kaun is parde mein baiTha hai tamasha kar ke

ek zamana hai pareshan muamma kya hai

tum to ghaeb hue kuchh kaam adhura kar ke

tere jalwe ki hawas hum ko har ek rang mein hai

su-e-but-KHana chale jate hain sajda kar ke

taki sajdon ki taDap mein na kami aa pae

aur sajdon ke liye nikle hain sajda kar ke

itni rangin jo duniya hai teri hi to hai

kis tarah kufr karen hum yahan tauba kar ke

jis ne luTte hue dekha hai tamaddun apna

us se kahte ho rahe tum pe bharosa kar ke

hum se kya puchho ho ahwal-e-haram ai logo

aaj ke dard ka jao to mudawa kar ke

'mani' mai-KHane ko masjid se chale kahte hue

thoDi tabdili ko ho aate hain sajda kar ke